Kreu i Antimafias italiane “deklaratë zyrtare” për Saimir Tahirin: U trefishua droga e kultivuar në Shqipëri!

Drejtori i Antimafias Italiane, Franko Roberti doli sot në një konferencë për median së bashku me kryeprokurorin Adriatik Llalla në Prokurorinë e Përgjithshme. Kjo dalje vjen pas takimit që dy zyrtarët patën në kuadër të bashkëpunimit mes dy vendeve për hetimin e çështjeve të përbashkëta Drejtori i Antimafias Italiane foli për thellimin e bashkëpunimit për të luftuar trafikun e drogës i cili është rritur. Madje është trefishuar prodhimi i drogës
“Trafikimi i lëndëve narkotike ka ardhur në rritje mes Shqipërisë dhe Italisë. Kemi nevojë që bashkë me kolegët shqiptarë të kuptojmë se cili është motivi i rritjes së këtij trafiku dhe në të njëjtën kohë çfarë mund të bëjmë për të përmirësuar strategjitë dhe bashkëpunimin. Italia ka treguar interes për të bashkëpunuar dhe në nominimin e një gjyqtari pranë Ministrisë së Drejtësisë. Interesi jonë është të verifikojmë si mund të bashkëpunojmë dhe luftojmë trafikun. Është trefishuar sasia e drogës që është kultivuar në Shqipëri”, u shpreh Franko Roberti “zyrtarisht’, duke ju përgjigjur pretendimeve të Saimir Tahirit, i cili për sasitë me tonë të drogës bllokohen në Itali, nuk ju beson medieve, andej apo ktej detit, por do “komunikatë zyrtare”.