Një shtyllë e energjisë elektrike në zonën e Liqenit të Thatë në Tiranë, ka shpërthyer në flakë gjatë orëve të vona të mbrëmjes së sotme.
Fatmirësisht, ashtu siç shihet edhe në videon e postuar në rrjetin social Facebook nga një qytetar, gjatë kësaj kohe nuk ka pasur persona të cilët qarkullonin në rrugë, pasi prej shkëndijave mund të kishte edhe të lënduar.
Ndërkohë qytetari ka bërë të ditur se ka njoftuar forcat e policisë për sa i përket kësaj ngjarjeje, e cila paraqet rrezik për banorët e zonës.
