Policia ka parandaluar sonte në Shkodër një ngjarje e rëndë kriminale, ndërsa ka prangosur autorin, duke i sekuestruar edhe një armë zjarri tip automatik “kallashnikov” dhe një krehër me disa fishekë.
Burmie zyrtae të Drejtorisë vendore të Policsë së Shkodrës, bënë të ditur se, sonte rreth orës 19:00, kishin marrë njoftim se në një lokal në lagjen “Mark Lula”, kishte një konflikt me armë zjarri.
Menjëherë në vendngjarje kanë mbërritur shërbimet e policisë të cilët kanë konstatuar se, Arjan Gjeta, pas një konflikti për motive të dobëta me E. P., 26 vjeç, banues në Shkodër, dyshohet se ka gjuajtur me armë zjarri në lokal ku ndodheshin edhe klientë te tjerë dhe është larguar, duke shkaktuar vetëm dëme materiale.
Shërbimet e Drejtorisë Vendore të Policisë Shkodër në bashkëpunim me shërbimet e Komisariatit të Policisë Shkodër, në bazë të njoftimit të marrë dhe si rezultat i vlerësimit të ngjarjes, bënë të mundur identifikimin e autorit të dyshuar, lokalizimin e tij dhe arrestimin në flagrancë, konkretisht:
* Arjan Gjeta, 42 vjeç, banues në Shkodër
Gjithashtu gjatë kontrollit të ushtruar në banesë, iu gjet 1 armë zjarri automatike dhe 1 krehër me 8 fishekë, të cilat u sekuestruan në cilësinë e provës materiale.
Materialet proceduriale do ti referohen Prokurorisë së Rrethit Gjyqësor Shkodër për veprat penale “Vrasje e mbetur në tentativë” dhe “Prodhimi dhe mbajtja pa leje e armëve dhe municioneve luftarake”, parashikuar nga nenet 76 dhe 279 të Kodit Penal.
