Një përplasje e ashpër ka ndodhur në Kuvend mes deputetit Asllan Dogjani dhe ministrit të Shëndetësisë Ilir Beqja.
Përplasja ka ardhur pas fjalës që mbajti ministri i Shëndetësisë Ilir Beqaj, që mbrojti reformën e Urgjencës dhe replikës së Dogjanit.
Dogjani e ka akuzuar për konçensionet prej 400 milionë milionë dollarësh që jepen në një kohë kur një fëmijë po vdes për një aparaturë prej 3 eurosh .”Një aparat vetëm 3 euro! 3 euro bën jeta e tij! Unë të sfidoj të shkojmë ta ndihmojmë bashkë. 3 euro bën jeta e tij.”
“Shikoni sesi i përgjigjet në Fb, ministri, nënës së fëmijës që po vdes, kur ka dhe shumë të tjerë si ai.”
Pas këtyre fjalëve, ministri u ngrit nga ulësja e tij dhe iu vërsul Dogjanit. U desh ndërhyrja e gardës që të qetësohej seanca.
Ministri u irritua nga thënia se “mjekët kanë frikë të flasin se i pushojnë nga puna”. DRONI.al
