Muri që po qëndron që nga dhjetori në afërsi të urës së Ibrit në veri të Mitrovicës, nuk do të ketë ‘jetë’ më shumë se deri nesër, e diele. Kështu është vendosur mbrëmë në orën 2:00 pas mesnate.
Ajo çka bie në sy, është që në nënshkrimet për rrëzimin e murit është edhe emri i ambasadorit amerikan, Greg Delaëie.
Në dokument janë të nënshkruar edhe kryeministri Isa Mustafa e përfaqësuesi special i BE-së, ministri i Ambientit dhe Planifikimit Hapësinior, Kryetari i Mitrovicës së Veriut, shkruan gazetametro.
Në këtë dokument tregohet se muri do të largohet më së largu të dielën nga veriu i Mitrovicës.
“Gjatë ditëve të fundit dhe nën lehtësimin e Zyrës së BE-së si dhe të Ambasadës së SHBA-ve, ne, palët e përbëra nga ministri i Mjedisit dhe Planifikimit Hapësinor, Ferat Shala dhe kryetari i Mitrovicës së Veriut, Goran Rakiq, jemi pajtuar që të zgjidhim çështjen e cila lidhet me ndërtimin e murit në Mitrovicën Veriore”, thuhet në komunikatën e Qeverisë së Kosovës.
