Akuzat që ambasadori i SHBA-së, Donald Lu i bëri dje Prokurorit të Përgjithshëm, Adriatik Llalla për cenimin e frymës së Kushtetutës lidhur me kandidaturat e paraqitura për shortin e Këshillit të Emërimeve në Drejtësi, duke propozuar vetëm tre emra për tre vende që duhet të hidheshin me short, kanë sjellë edhe reagimin e kreut të Kuvendit.
Ndërkohë mësohet se sot, gjatë takimit mes Adriatik Lallës dhe Ilir Meta, pritet ë Kryetari i Kuvendit të këkrojë zyrtarisht me një shkresë zyrtare institucionit të Prokurorisë së Përgjithshme një qëndrim institucional lidhur me procesin e përzgjedhjes së kandidaturave dhe respektimin e kritereve në përputhje me Kushtetutën dhe ligjin.
Pas përgjigjes së Prokurorisë së Përgjithshme mësohet sipas të njëjtave burime se Kryetari i Kuvendit do të mbajë edhe një qëndrim publik.
Sot, pas tensioneve të shkaktuara nga akuzat e ndërsjella mes ambasadorit Donald Lu dhe Prokurorit të Përgjithshëm, Adriatik Llalla ka zhvilluar një takim edhe me Kryetarin e Kuvendit, Ilir Meta. Llalla ka qenë për 30 minuta në zyrën e Metës, disa ditë pas një letre që ai i dërgoi kryetarit të Kuvendit ku shprehte shqetësimin e tij se i ishte mohuar viza amerikane, ndërsa akuzoi Lu-n se fshihej pas këtij refuzimi. Sakaq, letra u bë publike dje. Po dje, Llalla zhvilloi një takim dhe me presidentin Bujar Nishani, një ditë para mbledhjes së Këshillit Kombëtar të Sigurisë, (sot mblidhet) ku kryefjala do të jetë çështja ‘Balili’.
Donald Lu sulmoi hapur prokurorin Adriatik Llalla se ka qenë kundër reformës në drejtësi. Me një mesazh të qartë, Lu pohoi se gjatë procedurës së hedhjes së shortit për anëtarët e Këshillit të Emërimeve në Drejtësi, (KED) Llalla solli vetëm 3 propozime, duke dhunuar sipas tij Kushtetutën, në një kohë kur duhet të sillte një listë me disa emra, të cilët më pas do të përzgjidheshin.
I ashpër ishte dhe reagimi i Prokurorit të Përgjithshëm, në lidhje me këto akuzat, duke i ka cilësuar aspak diplomatike sulmet e Donald Lu, si dhe të përsëritura. Sipas Llallës, ambasadori ka bërë shantazhe dhe presione ndaj këtij institucioni. Kryeprokurori akuzat në drejtim të ambasadorit Lu i vazhdoj edhe dje gjatë mbrëmjes. I ftuar dje në ‘Opinion’, Llallës pohoi se Donald Lu duhet të mbajë vendin e tij si ambasador, ndërsa shkoi edhe më tej kur tha se reformën në drejtësi e kanë bërë ish-sigurimsa.
Ilir Meta kërkesë zyrtare Adriatik Llallës, ja çfarë do ti kërkojë
