Një tender me burim të parave nga Bashkimi Europian dhe i organizuar e i bërë në mënyrë të paqartë nga zyra e BE-së në Tiranë është fituar nga një firmë kroate.
Burime për SYRI.net kanë bërë të ditur se ka qenë vetë ambasadorja Romana Vlahutin e cila ka përcaktuar fituesin e tenderit për mbikëqyrjen e sistemit TIMS, një firmë nga Kroacia, vendi i origjinës së ambasadores së BE-së.
Tenderi më vlerë prej 2.4 milionë eurosh është fituar nga kompania kroate dhe paratë vijnë nga Bashkimi Europian, të cilin duhet të përfaqësojë Vlahutin dhe përfituesi kryesor janë doganat e Shqipërisë.
Burimet thanë se kompania që ka fituar tenderin ka qenë e renditur në vendin e pestë nga konkurrentët, si dhe nuk kishte paraqitur as ekspertin kyç të kualifikueshëm sipas termave të referencës së këtij tenderi.
DYSHIMET/ Romana Vlahutin “qeras” me 2.4 milionë euro një firmë kroate
