Ky fëmijë i vogël që shihni në foto ka parë tmerr sot në urbanin e linjës Kristal-Qendër. Ai është përplasur në tokë pas një frenimi të papërgjegjeshëm të shoferit të automjetit të transportit të qytetit me targa AA 708 NM. Siç tregojnë udhëtarët për opinion.al, djali i mitur udhëtonte me nënën e tij kur frenoi urbani dhe u shkëput mbajtësja e hekurit që i ra në fytyrë vogëlushit. Dëmtimet në fytyrën e tij shihen qartë.
Udhëtarët thanë se kjo nuk është hera e parë që shoferët e çmendur luajnë me jetën e tyre. Në fakt ne të gjithë jemi dëshmitarët të shërbimit tejet të keq që marrim në shumicën e linjave të urbanëve në Tiranë. Ka vonesa në stacione, ose dhënë saktë ka mungesë përgjegjësie për një lëvizje konstante. Urbanët ose lëvizin me shpejtësi të madhe ose ecin me hapin e breshkës. Kjo për shkak të presioneve që u bëjnë me orarin, pronarët e tyre. Por në vend që të kishte masa nga bashkia që i licenson, shohim që vazhdimisht ata marrin lavdërime nga Veliaj për “punë të shkëlqyer” .
Shoferi frenon gozhdë në urbanin e Tiranës , rrëzohen pasagjerët, lëndohet i mituri
