Një operacion anti-drogë është zhvilluar ditën e sotme në qytetin e Kukësit, ku policia ka bërë të mundur sekuestrimin e një sasi drogë dhe arrestimin e dy personave.
Policia e këtij qytetit ka bërë me dije se në pranga janë vënë Gjergj Keli, 29 vjeç banues në Ujshtrezë, Mirditë dhe Qemal Kuqi, 28 vjeç, banues në Laç.
Blutë e Kukësit sqarojnë se arrestimi i dy personave është bërë në afërsi të spitalit Rajonal Kukës, ku gjatë kontrollit të ushtruar në automjetin tip “Benz”, me targë AA 120 LM, në pjesën e bagazhit, u gjetën dhe u sekuestruan 20 kg lëndë narkotike e dyshuar Cannabis Sativa.
Në cilësinë e provës materiale u sekuestruan :
20 kg lëndë narkotike e dyshuar si Cannabis Sattiva – si dhe u bllokua automjeti tip “Benz”, me targa AA 120 LM.
Materialet në ngarkim të shtetasve të lartë përmendur, i kaluan veprime të mëtejshme Prokurorisë së Rrethit Gjyqësor Kukës, për veprën penale “Prodhim dhe shitja e narkotikëve, kryer në bashkëpunim”
EMRAT/ Arrestohen dy persona në Kukës, kapen me drogë pranë spitalit
