Një foshnjë 2-muajshe ka ndërruar jetë sot në qytetin e Durrësit për shkak të të ftohtit.
Sipas raportimeve të para thuhet se foshnja jetonte me prindërit në një banesë pa ngrohje.
Prindërit e saj të moshës 22 dhe 17 vjeç ishin të papunë dhe lypnin pranë portit. Nëna 17-vjeçare e foshnjës lypte bashkë me foshnjën e saj në të ftohtë.
Ndërkohë mësohet se vajza 2-muajshe është gjetur e vdekur në banesën e familjes Bajrami nga halla e vet.
Ajo tha se prej kohësh i vëllai kërkonte punë por nuk kishte arritur të gjente dhe se banesa e familjes ishte në kushte mizore, me lagështi, pa ujë dhe ngrohje.
Policia njofton se ekspertiza do të përcaktojë rrethanat e vdekjes së fëmijës.
Njoftimi i potë i Policisë së Durrësit
Më datë 25.01.2017, në lagjen Nr. 4, Durrës ka vdekur në banesë foshnja me iniciale A. B., 2 muajsh.
Nga këqyrja e kufomës nuk janë konstatuar shenja dhune.
Nga veprimet e para hetimore dyshohet se vdekja ka ardhur nga shkaqe natyrale.
Materialet I kaluan Prokurorisë së Rrethit Gjyqësor Durrës për veprime të mëtejshme.
