Policia greke ka sekuestruar mbi 21 kg marijuanë në Igumenicë, sasi e cila ishte transportuar nga Shqipëria.
Sipas raportimeve, sasia e marijuanës u kap në autobusin e linjës Igumenicë-Athinë.
Sakaq, policia ka arrestuar dy të rinj shqiptarë të moshës 18 dhe 29-vjeçare, identiteti i të cilëve nuk bëhet i ditur.
Mediat greke shkruajnë se droga ishte ndarë në 18 pako, me sasi totale 21 kg e 708 gramë.
Polisia ka nisur hetimet për të zbuluar nëse ka të tjerë persona të implikuar në këtë rrjet të trafikimit të lëndëve narkotike.
Ishin nisur me autobus drejt Athinës, dy shqiptarët kapen me 21 kilogramë drogë
