Jemi të bashkuar të ringrejmë vendin tone. Kështu e nisi fjalën e tij të parë si President Donald Trump. Ai përshëndeti në fillim të fjalës së tij Presidentin Obama dhe qeverisjen e tij.
Pastaj ai vuri në dukje situatën e amerikanëve.
Ky moment është momenti juaj dhe ju përket juve, tha Trump. Kjo është dita juaj, ceremonia juaj, dhe SHBA është vendi juaj. Kjo do të mbahet si dita ku qytetarët do të bëhen rregulluesit e kombit sërish.
Ai iu drejtua fillimisht qytetarëve amerikanë për të cilat tha se kanë vuajtur mungesën e vendeve të punës, kriminalitetin , por kjo do të marrë fund që prej kësaj tha Trump. Kjo ëhstë e shkuara dhe ne do të shikojmë vetëm në të ardhmen. Në fillim është Amerika, theksoi Presidenti i ri.
Do të kthejmë punësimin, kufinjtë, ekonominë dhe ëndrrat, tha ai. Presdienti nuk u shmnag në këtë fjalim nga ato cfarë kishte deklaruar në garën presidenciale.
Do të zhdukim radikalizmin islamik nga faqja e dheut. Do të ringremë besimin tek njëri tjetrin. Kur Amerika është e bashkuar, Amerika është e pandalshme. Koha për fjalë boshe ka marrë fund. Është koha për aksion.
Pavarësisht ngjyrës ne të gjithë kemi një flamur. Ne do të heqim dorë nga ndarjet. Krenaria kombëtare na bashkon.
Fjalimi i tij për rreth 20 minuta iu referua Amerikës, amerikanëve dhe pothuajse mungoi teksti për botën.
