Seanca gjyqësore për ish-gjyqtaren Majlinda Andrea është shtyrë sot nga gjykata për në 17 janar.
Gjyqtarja e akuzuar për korrupsion pasiv ka kërkuar gjykim të shkurtuar. Ajo akuzohet për marrjen e 50 mijë euro ryshfet për dhënien e një vendimi.
Gjykim të shkurtuar kanë kërkuar edhe tri të akuzuarit e tjerë, Petraq Dashi, Ilia Çabiri dhe Eleni Lino të përfshirë në këtë çështje: Petraq Dashi ka qënë sekseri i dy personave të tjerë, Çabiri e Lino, që ia ka dhënë paratë bashkëshortit të Majlinda Andreas, Odhise Andreas. Edhe ky i fundit është në gjykim tashmë dhe ndaj tij u mor dje masa “arrest shtëpie”.
