Tiranë, pas borës, ja sa urgjenca ortopedike u regjistruan te Traumat

Dëbora ka mbuluar Tiranën pas dhjetëra vitesh.
Ky fenomen i rrallë i ka gjetur të papërgatitur kryeqytetasit, të cilët janë përpjekur të tregohen të kujdesshëm teksa ecin në rrugët e mbuluara nga dëbora dhe akulli.
Por kënaqësia e dëborës në orët e para të nisjes, ka shënuar edhe mjaft incidente, duke tejmbushur Urgjencën e Traumës në Spitalin Ushtarak gjatë orëve të natës. Burime nga ky spital, bëjnë të ditur se ka pasur 64 urgjenca ortopedike që pas rënies së borës në kryeqytet.
Edhe pse i gjithë vendi u mbulua nga dëbora, rritja e temperaturave ka bërë që ajo të shkrijë në të gjithë Tiranën.