Autoritetet britanike kanë nisur një hetim për të burgosurit shqiptarë në një burg britanik pasi këta të fundit dërguan foto dhe video të tyre me rastin e Ditës së Krishtlindjes për faqen në Facebook, të ‘Jeta osh qef’.
“Keqbërësit shqiptar në Britani thyejnë sistemin e burgut duke dërguar foto ilegale te faqja ‘Jeta osh qef’”, ky është titull i “The Sun” që i referohet një ngjarjeje të ndodhur pak ditë më parë.
Burgu ndodhet në Dorset, burg i cili pak kohë më parë u përfshi në një tjetër skandal ku të dënuarit shfaqeshin në foto duke festuar me vodka në qeli.
“The Sun”, shkruan se shqiptarët në foto kanë marrë dënim të gjatë me burg kryesisht për trafik droge.
