Kryedemokrati Lulzim Basha me anë të një postimi në faqen e tij zyrtare në “Facebook” deklaron se kryeministri Edi Rama do të shpenzojë 10 mln euro në vitin e ardhshëm për luksin e tij. Sipas Bashës, në godinën e Kryeministrisë do të ketë, restorant, bar personal por edhe salla të veçanta për masazh e fizioterapi.
“10 mln euro do të harxhojë kryeministri Rama në vitin 2017 për luksin e tij. Këto para do të financojnë luksin dhe argëtimin në godinën e Kryeministrisë. Një restorant personal, një bar personal, një sallë për konjak dhe puro, një sallë masazhi dhe fizioterapie, një sallë kinemaje, një sallë ekspozitash, një sallë basketbolli. Buxheti 2017 për qejfin e kryeministrit, jo për hallet e njerëzve”, thotë Basha.
