Banorët e Zharrëzit vazhdojnë të vendosur grevën e tyre të urisë kundër punimeve të kompanisë ‘Bankers Petroleum” në Fier.
Gjendja shëndetësore e dy prej grevistëve është rënduar, pasi më herët kishin refuzuar ndihmën mjekësore.
Grevistët Qani Rreli dhe Andi Koroveshaj janë dërguar në spital për shkak të problemeve.
Që prej 6 ditësh, banorët e Zharrëzit janë futur në grevë urie, ndërsa nga Qeveria deri tani nuk ka asnjë reagim.
Ata kërkojnë që të ndërpritet aktiviteti i kompanisë së naftës “Bankers Petroleum” dhe të hetohet zbatimi i kontratës.
Tjetër kërkesë e banorëve është edhe të dëmshpërblehen për dëmtimet që kanë pësuar banesat nga dridhjet e tokës që shkaktojnë gërmimet e kompanisë.
Dërgohen në spital dy banorë, rëndohet gjendja e të tjerëve në grevën e urisë kundër ‘Bankers’
