Një atentat me armë zjarri besohet se ka ndodhur ditën e sotme në qytetin e Shkodrës. Mësohet se një 44-vjeçar është qëlluar me armë teksa udhëtonte me mjetin e tij.
Nga të shtënat ai ka mbetur i plagosur shumë rëndë, por ka mundur që të shkojë vetë në Spitalin e Shkodrës.
Ai është identifikuar si Syri Mehmetaj 44 vjeç. Policia ka shkuar në spital dhe ka sekuestruar makinën e tij tip “Benz” me targë AA031NL.
Policia ka konstatuar se mjeti është qëlluar me armë zjarri. Ndërkohë, 44-vjeçari është në gjendje shumë të rëndë shëndetësore.
Policia është duke bërë krehjen e zonës ku mendohet se është qëlluar 44-vjeçari për gjetjen e autorëve.
KUSH ESHTE I PLAGOSURI
Syri Mehmetaj, i cili sot eshte qelluar me arme zjarri eshte person me precedente te meparshem penal.
Ai eshte arrestuar ne vitin 2011 pasi i ka vjedhur nje gruaje 45 mije leke me force. Gjithashtu, Mehmetaj eshte arrestuar edhe 1 vit me pare per vjedhje te energjise elektrike.
NJOFTIMI I POLICISE
Më datë 26.12.2016 rreth orës 11.50 njoftohemi se në spitalin rajonal Shkodër është dërguar një person i plagosur.
Menjëherë kanë shkuar shërbimet e Policisë Shkodër të cilët konstatuan se ka mbetur i plagosur me armë zjarri shtetasi S.M. 44 vjeç, banues në Shkodër, i cili ndodhet në gjendje të rëndë shëndetësore.
Në territorin e spitalit është gjetur dhe sekuestruar autovetura tip Benz me targë AA 031 NL, e dyshuar si e goditur me armë zjarri.
Janë ngritur pika kontrolli si dhe po bëhet krehja e zonës me qëllim kapjen e autorëve të dyshuar dhe vendosjen para përgjegjësisë penale.
Grupi hetimor po vazhdon veprimet hetimore për zbardhjen e plotë të kësaj ngjarje.
