Komisioni Hetimor për “çështjen CEZ”, ka rinisur sot punimet me debateve të ashpra mes përfaqësuesve të mazhorancës dhe atyre të opozitës.
Në fillim të takimit, nënkryetari i komisionit Arben Ristani, ashtu si në mbledhjet e mëparshme ka kërkuar largimin e kryetarit Taulant Balla, sepse sipas tij, ai ka konflikt interesi, pasi është një person i dënuar me vendim të formës së prerë nga gjykata, për shpifje ndaj djalit të ish-kryeministrit Berisha, i cili është edhe një ga politikanët që është thirrur, për të dëshmuar në këtë hetim parlamentar.
Nga ana e tij, Taulant Balla jo vetëm që nuk ka pranuar as sot të japë dorëheqjen, por përkundrazi ka vazhduar provokimet dhe kërcënimet duke deklaruar se ish-kryeministri i vendit Sali Berisha, do të merret me polici në këtë komision.
Jo vetëm kaq, por Taulant Balla, arriti deri aty, sa që deklaroi se “kam inat personal me Sali Berishën”.
Taulant Balla shfrytëzon komision hetimor për hakmarrje: Kam inate personale me Sali Berishën
