“Frazën: Jo më luftë! Besoj se është një frazë të cilën Europa e ka thënë sinqerisht: Shuman, De Gasperi, Adenauer… e thanë sinqerisht. Por sot mungojnë liderët, Europa ka nevojë për liderë që ecin përpara”.
Kjo është deklarata e Papa Franceskut në një intervistë për të përjavshmen katolike belge “Tertio”.
Papa Francesc foli dhe për një të keqe që ka pushtuar shoqërinë tonë, dezinformimin duke shtuar se duhet thënë gjithnjë e vërteta
“Një gjë që mund të dëmtojë shumë në media është dezinformimi, pra që përballë një situate të thuhet vetëm një pjesë e të vërtetës dhe jo tjetra. Ky është dezinformim. Sepse dëgjuesi apo telespektatori merr vetëm gjysmën e së vërtetës dhe nuk mund të japë një gjykim të saktë. Dezinformimi, theksoi Papa është ndoshta dëmi më i rëndë që mund të bëjë një mjet sepse orienton opinionin në një drejtim duke lënë jashtë një pjesë të së vërtetës”.
Duke përkrahur shtetet laike papa u shpreh se Vatikani flet për autonomi të proceseve dhe institucioneve, dhe laiciteti i një shteti është laicitet i shëndetshëm.
“Në përgjithësi një shtet laik është diçka e mirë, më e mirë se një shtet konfensional pasi këta të fundit përfundojnë keq. Por laiciteti ndryshon nga laicizmi, sepse ky i fundit i mbyll dyert origjinës , asaj të dyfishtë nga njerëzit dhe Zoti.
Për sa i përket terrorizmit Papa Francesk thotë se asnjë besim si i tillë nuk mund të ushqejë luftën. Pasi në këtë rast do të reklamonte një zot të shkatërrimit, një zot të urrejtjes. Nuk mund të behët luftë në emër të Zotit apo në emër të një qëndrimi fetar. Lufta nuk mund të bëhet në emër të asnjë feje”, theksoi ai.
“Është për këtë arsye që terrorizmi dhe lufta nuk janë në lidhje me fenë. Përdoren deformime fetare për t’i justifikuar ato, pasi të gjitha fetë kanë grupe fondamentaliste, të gjitha, vijon Papa Francesku. Dhe janë pikërisht këto grupe fetare që kanë deformuar, dhe sëmurur fenë e tyre, duke bërë luftë apo duke përçarë komunitetin” përfundoi ai.
Papa Francescu: Aktualisht Europës i mungojnë liderët
