Nishani: Korrupsioni në Shqipëri, më mirë se Presidenti ekzistencën e tij e di dhe e ndjen qytetari

Presidenti Nishani, në ditën e tretë të Simpoziumit  Kundër Korrupsionit tha se qytetari i thjeshtë e di dhe e prek cdo ditë fenomenin e korrupsionit.
“Më mirë se presidenti, rastet e korrupisonit i di dhe i rendit më mirë qytetari shqiptar që del cdo mëngjes nga shtëpia që do të kurohet në spital, e di ai infermieri që ngrihet herët në mëngjes dhe pushon pas mesnate, e di qytetari që shkon cdo ditë për certifikatën e pronës, që përballet me konflikte civile e penale të ndryshme” tha presidenti Nishani .
Nishani deklaroi po ashtu  se korrupsionin e ndjen edhe studenti që do të studiojë në universitet e të gjitha shtresat e shoqërisë.
Megjithatë presidenti u shpreh se ai beson që këto sfida janë plotësisht të kalueshme sepse Shqipëria i ka të gjitha potencialet ekonomike dhe jo vetëm.