Sekuestrohen 96 kg kafe kokërr kontabandë sot në Durrës. Si rrjedhojë është arrestuar në flagrancë një shtetas dhe është shpallur në kërkim një tjetër.
Specialistët e Seksionit Kundër Krimit Ekonomik dhe Financiar në Drejtorinë Vendore të Policisë Durrës në bashkëpunim me Drejtorinë e Përgjithshme Doganore Tiranë, në vijim të punës për parandalimin e informalitetit, kanë kapur dhe arrestuar në flagrancë shtetasin:
• Alfred Mikeli 39 vjeç, banues në Tiranë.
Gjithashtu është shpallur në kërkim dhe po punohet për kapjen e shtetasit:
• K.K. 43 vjeç, banues në Tiranë.
Më datë 05.12.2016, shtetasit e mësipërm në bashkëpunim me njëri-tjetrin kanë nxjerrë nga pika doganore në Portin e Durrësit, në mënyrë kontrabandë një sasi prej 96 kg kafe kokërr për të cilën paguhet akcizë, pa e deklaruar, e cila është sekuestruar në cilësinë e provës materiale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Kontrabanda me mallra që paguhet akcizë”në bashkëpunim parashikuar në nenin172, 25 të Kodit Penal.
FOTO/Kapet kafe kontrabandë në Durrës
