Gardisti që vrau gruan e tij pak muaj më parë, Admir Dervishi, duke folur në një intervistë për gazetaren Eni Vasili në “Studio e Hapur” ka shpjeguar për herë të parë publikisht momentin kur qëlloi mbi gruan e tij ndërkohë që dy fëmijët i kishte në shtëpi.
“Atë natë u zumë me të dhe nuk fjetëm bashkë. Nuk e kam qëlluar me shpullë. Jam zënë me të shumë herë. Po vinte ora 7 dhe u ngritëm në mëngjes. I thashë djalit që e kishte bluzën pis. Babi thuaj mamit që të heqë bluzën se është e pistë, i kërkova djalit të vogël. Ajo mu kthye keq: Pse thua që djali ka bluzë të pistë, thoshte.
Ajo filloi të bërtiste. Unë isha veshur. E kisha armën. Nuk e kisha kontrolluar armën dhe nuk e dija se e kisha me fishek.
E nxora armën. Unë e nxora armën vetëm për të trembur. Arma bëri bam. I kam marrë fëmijët dhe gocën. Po qanin. Djali nuk e ka parë skenën, por ka parë të emën kur ka kaluar.
Foli gruaja, tha cfarë bëre.
Jam penduar aq shumë, nuk e di.
