Një ngjarje e pakëndshme ka ndodhur mesditën e sotme në kryeqytet. Bëhet fjalë për policët e Policisë Bashkiake, të cilët kanë ndjekur një cisternë që shpërndante ujë në Tiranë.
Siç mund ta shikoni edhe nga videoja, trajtimi që i bëhen personave që dyshohen të jenë njëri shoferi i automjetit që shpërndan ujë dhe tjetri punëtor i thjeshtë, është mizor. Policët kapin si leckë djalin më të ri në moshë.
Ai nuk bën rezistencë por rri i qetë, ndërsa agresiviteti i policëve është i pakuptueshëm. Siç tregon qytetari që raporton videon dhe ngjarjen për
“JoQ” gjithçka ka ndodhur tek “Rruga e Durrësit”, ku policia bashkiake, pasi ka ndaluar dhe dhunuar shoferin e punonjësin, i ka lënë ata të lirë më pas të vijojnë punën e tyre, pasi konstatuan që ishin me të gjitha dokumentet në rregull.
