Policia ka ndaluar personin e shpallur në kërkim, si “pronari” i 700 kg cannabis sativa të sekuestruar dje në Portin e Durrësit.
Burimet zyrtare kanë bërë të ditur se efektivat e Seksionit për Hetimin e Narkotikëve në Drejtorinë Vendore të Policisë Durrës kanë bërë e mundur ndalimin e personit të shpallur më kërkim, Kacjolin Zefi, 51 vjeç, banues në Shkodër.
Zefi u kap në Aeroportin e Rinasit, ndërsa po kthehej nga Italia për në Shqipëri.
Ndërkohë, mësohet se vijojnë hetimet e mëtejshme në bashkëpunim me Prokurorinë e Krimeve të Rënda për dokumentimin e plotë të ngjarjes.
Përmbledhje e ngjarjes së ndodhur
Specialistët e Seksionit për Hetimin e Narkotikëve në Drejtorinë Vendore të Policisë Durrës, në bashkëpunim me Policinë Kufitare dhe Drejtorinë e Anti-Kontrabandës në vijim të punës së tyre për goditjen e rasteve të trafikimit të lëndëve narkotike, kanë sekuestruar rreth 700 kg Cannabis Sattiva dhe shpallur në kërkim shtetasin:
• Kacjolin Zefi 51 vjeç, banues në Shkodër.
Më datë 27.11.2016, në Portin e Durrësit, gjatë kontrollit të ushtruar në vijën e dytë në automjetin tip kamion Iveco me targa AA 475 LO që drejtohej nga shtetasi L. S., u gjetën dhe u sekuestruan në cilësinë e provës materiale:
• 497 pako me peshë rreth 700 kg lëndë narkotike e dyshuar e llojit Cannabis Sattiva.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale”Trafikimi i narkotikëve” e mbetur në tentativë parashikuar në nenin 283/a, 22 të Kodit Penal.
