Drejtoria Vendore e Policisë së Durrësit, ka dhënë të tjera detaje për sasinë e drogës së sekuestruar mëngjesin e sotëm në Portin e Durrësit.
Sipas burimeve zyrtare ët Policisë vendore të Durrësit, mësohet se, specialistët e Seksionit për Hetimin e Narkotikëve në Drejtorinë Vendore të Policisë Durrës në bashkëpunim me Policinë Kufitare dhe Drejtorinë e Antikontrabandës në vijim të punës së tyre për goditjen e rasteve të trafikimit të lëndëve narkotike, kanë sekuestruar rreth 700 kg Cannabis Sattiva dhe shpallur në kërkim K. Z.,51 vjeç, banues në Shkodër.
Kjo sasi droge u sekuestruar më datë 27. 11. 2016, në Portin e Durrësit, gjatë kontrollit të ushtruar në vijën e dytë në automjetin tip kamion Iveko me targa AA 475 LO që drejtohej nga L. S.
Në cilësinë e provës materiale, u gjetën dhe u sekuestruan 497 pako me peshë rreth 700 kg lëndë narkotike e dyshuar e llojit Cannabis Sattiva.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale “Trafikimi i narkotikëve” e mbetur në tentativë. parashikuar në nenin 283/a, 22 të Kodit Penal.
VIDEO/ Durrës, dalin pamjet e skanimit të kamionit dhe zbulimit të 700 kg drogë
