Foto Ilustruese
Një nga karburantet më të mëdhenj në Durrës , pranë Urës së Dajlanit është grabitur mbrëmë rreth orës 02:00 .
Sipas Policisë, ngjarja është raportuar në orën 6:45, pra pas rreth 5 orësh, duke lënë të dyshohet se kjo nuk është një grabitje e zakontë.
Rojet pretendojnë se persona të paidentifikuar kanë hyrë nga dera mbrapa pikës së karburantit dhe kanë marrë kasafortën, e cila kishte rreth 100 000 – 200 000 lekë (të reja) dhe disa tollona.
Hija tjetër e dyshimit është fakti se kamerat në atë orë ishin të fikuara dhe autorët, ende të paidentifikuar e dinin mirë se ku gjendej kasaforta.
Menjëherë në vendngjarje kanë shkuar Efektivat e Policisë, të cilët po punojnë për sqarimin e rrethanave të ngjarjes dhe identifikimin e autorëve të mundshëm.
