Artur Bego
Deklarata e djeshme e deputetit të Bundestagut gjerman, Gunther Krichbaum, ka shkaktuar një situatë ‘”ku thërret qiameti” në radhët e qeverisë shqiptare.
Deklarata me zë e figurë, se nuk ka hapje negociatash nga BE me Shqipërinë, për sa kohë, droga, korrupsioni janë institucionalizuar në vend, ka shkaktuar një amulli në radhët e mazhorancës.
Nga ana e PS-së, Edi Rama gjen “armiq të e brendshëm”, ndërsa Ditmir Biushati i bashkëngjit “armiq të jashtëm”. Ndërsa nga ana e LSI-së, Klajda Gjosha, tenton të përcjellë pak optimizëm, duke vënë paralele me një “rast të Serbisë”…
“Lulzim, mos kap skutave deputetë të huaj për të sharë e për të bllokuar Shqipërinë, po lexo rekomandimin e qartë të BE-së dhe zhblloko Vetingun!”.
Kështu “i ra gozhdës” Edi Rama sot nga “Facebook”…
… Dhe si “i trembur”, se mos këtë përrallë me “armiq të brendshëm” që kishte shkruar, nuk e besonte as vetë, mësohet se i ka hipur avionit dhe nën shoqërinë e “gjeneral sponsor”, Vangjush Dako, është larguar drejt Italisë, për një fundjavë të gjatë…, ngushëlluese.
Fabula e ricikluar nga pararendësit e partisë, me “armiq”, nuk ka kuptim pa “armiqtë e jashtëm”.
Dhe këtë “rënie të gozhdës”, me “denoncimin” e “armiqve të jashtëm” e vazhdon Ditmir Bushati…, i cili për “EuroAktiv” zbulon se “kur flitet për hapjen e negociatave të anëtarësimit, shpesh herë (nga ana e BE) ka një mungesë të shpirtit politik (shpirtit të zgjerimit)”.
… Por pasi Edi Rama e Ditmir Bushati, “i kanë rënë gozhdës”…, në skenë del Klajda Gjosha e cila “i bie patkoit”.
Duke përcjellë ndoca doza optimizmi, të sforcuara, ajo shpreson se në dhjetor, diçka mund të ndodhë, për ndonjë dritë të mundshme jeshile, për çeljen e negociatave, kur me realizëm pranon e pohon se, “patjetër që kjo tashmë do të jetë në dorë të vendeve anëtare për të parë apo ndoshta edhe për të sugjeruar dhe ata vetë, mënyrën sesi do të procedohet me Shqipërinë”.
… Dhe kur mendon…, se të tre këta, kryeministri, ministri i Jashtëm dhe ministrja e Integrimit, në fillim-javën e ardhshme do të jenë së bashku në Berlin, padurimi e shton edhe më shumë kuriozitetin, në se të tre do të jenë “në një mendje” përballë Angela Merkel…, apo do të hallakaten, duke fajësuar Gunther Krichbaum e Lulzim Bashën, apo BE-në…
