Nënkryetari i LDK-së dhe kryetar i Komunës së Gjilanit në Kosovë ka bërë një analizë të raporteve shqiptare-serbe duke theksuar se Tirana nuk mudn ti normalizojë këto raporte.
Duke folur në një intervistë në emisionin “Komiteti Qendror” të Gazetës Express, Lutfi Haziri tha se kryeministri i Shqipërisë, Edi Rama, ka zhvilluar bisedime me Qeverinë serbe me qëllim të normalizimit të raporteve ndërmjet shqiptarëve dhe serbëve.
Haziri ka shtuar se përpjekja për rregullimin e këtyre raporteve nuk është arritur asnjëherë më parë, dhe kjo nuk mund të arrihet as nga Rama, përkundër tendencës së tij.
Sipas Hazirit, raportet serbo-shqiptare janë të përcaktuara nga Kosova, dhe Shqipëria nuk ka shumë lidhje me Serbinë.
Kryetari i Gjilanit në “Komiteti Qendror” ka thënë se Shqipëria nuk e njeh nga afër Serbinë, dhe nuk e njeh as mentalitetin dhe diplomacinë e saj, thekson exprees.
