Image GallerySpecialistët e Sektorit për Hetimin e Krimit Ekonomik dhe Financiar në Drejtorinë Vendore të Policisë Durrës në vijim të punës së tyre për goditjen e informalitetit dhe mbrojtjen e të drejtës së pronësisë, kanë finalizuar me sukses operacionin e koduar”Know How” ku kanë filluar procedimin penal në ngarkim të B. Sh., 67 vjeç, banues në Durrës.
Më datë 14. 11. 2016, gjatë kontrollit të ushtruar në një ambient të marrë me qira, në lagjen Nr. 18 është kapur në flagrancë duke paketuar pako të ndryshme me ushqime dhe erëza me stampa të palicencuara dhe më pas i hidhte në treg.
Pakot, të cilat ishin të ambalazhuara dhe gati për tu tregtuar kishin etiketa të pa miratuara nga Drejtoria e Patentave.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “E drejta e pronësisë industriale” dhe “Fshehja e të ardhurave” parashikuar në nenet 149 dhe 180 të Kodit Penal.
U gjetën dhe sekuestruan në cilësinë e provave materiale
• Rigon – 4 700 qese dhe 130 kg rifuxho;
•Piper – 2 000 qese;
•Kanellë – 45 kg rifuxho;
•Spec i kuq- 1 000 qese;
•Limontoz – 1 900 qese;
•Sodë buke – 1 700 qese dhe 775 kg.
