Dy shqiptarë humbën jetën sonte në Italië në dy aksidente të ndryshme.
Një grua shqiptare e moshës 45-vjeçare mbeti e vdekur në një aksident rrugor që ndodhi në Ponsacco të Pisa, raportojnë mediat italiane.
Sipas “Repubblica”, ka qenë e tmerrshme pamja që kishin para syve kur ka mbërritur policia dhe zjarrëfikësit.
Trupi i viktimës pasi ishte goditur nga mjeti, kishte mbetur i bllokuar poshtë tij. Është dashur ndërhyrja e zjarrfikësve, si dhe një vinçi që ka ngritur makinën për të nxjerrë trupin e pajetë.
Mësohet se shkaktar në aksident ka qenë një shofer i moshuar që humbi kontrollin e makinës.
Gruaja thuhet se ka inicialet D.B dhe jetonte prej vitesh në Itali.
Një tjetër aksident tragjik ndodhi po këtë mbrëmje në Massarosa, Itali, me pasojë humbjen e jetës së një shqiptari.
Ai është 29-vjeçari Ledian Ujkaj i cili po udhëtonte me një motor skuter ku rdoli nga rruga. Trupi i tij u gjet brenda një kanali anash rrugës.
Sipas mediave italiane, nuk dihet ende shkaku i këtij aksidenti.
