Analiza 9-mujore e institucionit të prefektit të qarkut në Berat ka risjellë në vëmendje gjendjen e mjerueshme të disa godinave të shkollave në këtë qark.
Prefekti Fadil Nasufi, njëkohësisht ish-kryebashkiak i Beratit nga radhët e PS, kritikoi ashpër për mungesë përgjegjësie institucionet vendore. Ai tha se në shumë shkolla viti mësimor ka nisur me godina të palyera, të padizinfektuara. Ndërkohë sipas tij specialistët nuk shkojnë në terren për të parë nga afër situatën.
“Kemi shkolla që nuk krahasohen me vitin 1945, që kur ka filluar reforma e parë e analfabetizmit në Shqipëri”.
Për pretendimet e ngritura nga institucioni i prefektit, burime pranë bashkisë së Beratit që drejtohet nga Petrit Sina i LSI thonë se situata e godinave të shkollave ka qenë edhe më e keqe më parë.
Por njësia e re vendore thotë se bashkia gjatë këtij viti shkollor ka marrë masa me rikonstruksionin e disa godinave si Shkolla “1 Maji”, kopshti “Çlirim 2” etj.
VIDEO – ÇUDIA/ Prefekti i PS “kryqëzon” kryebashkiakun e LSI-së për gjendjen e mjerueshme të shkollave që ai la si ish-kryetar bashkie
