Kryetari i Forumit Rinor të Partisë Demokratike, Belind Këlliçi mori pjesë në mbledhjen e Këshillit të Kryetarëve të YEPP (Youth of Europeans People Party), Forumi i të Rinjve të Partive Popullore Evropiane i mbajtur në Vjenë.
Këlliçi paraqiti para drejtuesve të të rinjve të djathtë europianë nevojën jetike për zgjedhje të lira dhe të ndershme në Shqipëri, duke denoncuar fenomenin e blerjes së votës, si në rastin e zgjedhjeve në Dibër. Kreu i të rinjve demokratë foli për gjendjen e rëndë ekonomike në vend, ku mbi 40 % të të rinjve janë të papunë, ndërsa një pjesë e madhe e tyre duan të largohen nga vendi.
Këlliçi mori mbështetjen e drejtuesve të të rinjve të Partisë Popullore Evropiane, për përballjen e këtyre sfidave të të rinjve shqiptarë. Ai u takua edhe me kryetarin e Junge ÖVP, ForuminRinor të Partisë Popullore Austriake dhe njëkohësisht ministrineJashtëm të Austrisë, z.Sebastian Kurz, me të cilin ndau nevojën për më shumë bashkëpunim mes forumeve të të rinjve.
Këshilli i kryetarëve të YEPP miratoi një deklaratë në përundim të punimeve, e cila u nënshkrua nga krerët e forumeve rinore të 19 shteveve si;Austria, Hollanda, Hungaria, Norvegjia, Finlanda, Kroacia, Sllovakia, Sllovenia, Suedia, Zvicra, Irlanda, Shqipëria me titull: “For anEuropean Centre Right”, pra,për një qendër të djathtë të re evropiane.
Kjo deklaratë e të rinjve të djathtë evropianë i kërkon Partive Popullore Evropiane hapjen dhe modernizimin e strukturave partiake, hapjen më shumë ndaj shoqërisë civile, ekspertëve, njohjen e gabimeve të së shkuarësetj.
