Kryeministri i vendit ka publikuar një grafik në faqen e tij lidhur me asgjësimin nga policia të parcelave të drogës në të cilin pasqyrohet se policia shqiptare asgjësoi 98 % të drogës së mbjellë.
Kryeministri ka bërë një koment për grafikun ku ndër të tjera thotë se policia e ka fituar luftën me drogën.
“Luftën përvitshme me fenomenin e trashëguar të kultivimit të kanabisit, e ka fituar edhe këtë vit, më bindshëm se asnjë vit më parë, Policia e Shtetit; e cila arriti të shkatërrojë 99.8% të parcelave të mbjella.
Ky grafik, bazohet në shifrat e raporteve të përvitshme të monitorimit ajror të Guardia di Finanza-s.
Ndërkohë, vazhdon edhe në këtë fushë, lufta kundër fakteve të provuara dhe shifrave reale, e cila është bërë një linjë mode e shëmtuar në debatin politik e publik; ku Top Modeli është padiskutim Saliu, i ndjekur pas në sfilatat e ditës nga drejtori i PD-së e nga deputetë, analistë, portalistë e propagandistë gjithëfarësoji të gënjeshtrave të kthyera në akuza…”, shkruan ai.
Deri tani 98 përqind e drogës është “asgjësuar”, por nga pronarët e saj që në shumicën e rasteve janë oficerë të lartë policie. Ata po e thajnë dhe paketojnë për ta nisur për eksport sic duket nga qindra tonë drogë që janë kapur në brigjet italiane apo brenda kufirit grek. Sipas llogjikës së Ramës i bie që droga që eleminohet nga policia përpunohet, ose droga nuk është shkatërruar dot nga policia. Rreth 20 milionë bimë të mbjella në të gjithë vendin do të duheshin mbi 50 mijë policë , që të punonin gjithë ditën për një periudhë një mujore nga 8 orë në ditë që të shkatërronin të gjitha bimët.
Sic duket Rama me këta grafikë ose tallet me mijëra njerëz që mbetën pa kullota këtë vit, ose grafikët i ka publikuar pasi është infektuar nga një kanabis vietnamez i rritur me shumë përmbajtje potasi.
