Kreu i opozitës Lulzim Basha reagoi pas komunikimit të kryeministrit Edi Rama mbi sipërfaqet e mbjella me drogë në vendin tonë dhe aksioneve të policisë.
Basha shkruan se shifrat e Ramës janë thagma, pasi ai në monologun e tij nuk bëri gjë tjetër veç gënheshtës së javës.
“Thagma nga monologu i perjavshem i#EdMashtruesit:
1.Siperfaqja me droge u rrit 5 here ne krahasim me vjet, por ka me pak droge.
2. Trafikantet mbollen faren vietnameze nga frika e policise.
Edhe aerodromet e droges nga frika e policise i ndertuan???
#Shqiperiame mire pa Edi Ramen”, shkruan kreu demokrat Basha.
Më tej Basha e akuzon fort kryeministrin Rama se u tall me jetët e humbura duke thënë se po vendos rendin dhe sigurinë. Sipas liderit të opozitës rend nuk ka, por ka vetëm sundim të bandave.
“Kur 3 shtetas u vrane me arme, dje Edi Rama nxorri një zhgarravinë duke thënë se po vendos rendin, se numri i vrasjeve është ulur. U tall me 3 jetë të humbura, si te ishin dele e jo njerez dhe u mburr me ate qe eshte deshtimi i tij i madh. Sepse rendi nuk ekziston. Rend nuk ka. Ka sundim te bandave, ka konflikt dhe vrasje me arme. Kete pasiguri ekstreme e ka mbjellur ai në Shqiperi, me kanabizimin e vendit, me sprapsjen e ligjit, me rreshtimin e tij dhe Tahirit në krah të krimit.
Dita sot nis me dy të vrarë, një në Shkodër dhe një në Korcë. Ndërkohë dje policia me urdhër të Ramës e Tahirit i ka bërë rezistencë drejtësisë, duke penguar hetimin e duke mbrojtur 11 tonelata me drogë në Vlorë. Një bandit i qeverisë i del para prokurorit me armë në dorë në Mat duke i prerë rrugën drejt parcelave me kanabis.
Ky është shteti i Edi Ramës, nderkohe qe ai llomotit ne Kuvend per drejtesine. Këtu ka përfunduar Shqipëria me Edi Ramen. Shqipëria do jetë pa krime, pa drogë, pa plehra vetëm pa Edi Ramën”, ka deklaruar Basha.
