Personi që ka ndërruar jetë ditën e sotme në burgun e Fierit është një i dënuar për përdhunimin e mbesës së tij 14vjeçare për tri vite rresht. Ai është Thoma Çala, 46 vjeç i dënuar me burg për ngjarjen që tronditi vendin. Çala dyshohet se ka vdekur nga një çarje e aortës në Burgun e Fierit. Ai u akuzua dhe u dënua me burg për përdhunimin e mbesës së tij. Ky akt u zbulua nga i fejuari i vajzës, i cili bëri edhe kallëzimin në Polici. Ngjarja ka ndodhur, rreth një vit më parë, shtatorin e vitit të kaluar.
