Rusia ka lëshuar një nga paralajmërimet e saj më të forta kundër ndërhyrjes perëndimore në Siri, duke lënë të kuptohet se mund të përgjigjet me raketa e saj në një kohë kur thuhet se Washingtoni është duke konsideruar sulme ajrore të kufizuara ndaj forcave të Presidentit Bashar al-Asad.
Ministria e Mbrojtjes në Moskë ka thënë në një deklaratë se këshilltarët e saj në Siri mund të kërcënohen nga sulmet perëndimore.
“Nuk ka kohë për të identifikuar avionët luftarakë, thuhet në deklaratë, kështu që sistemet antiraketore ruse do të veprojnë menjëherë”.
Washingtoni ndërkohë është përgjigjur duke thënë se do të vazhdojnë përpjekjet për të gjitha opsionet e mundshme jo-diplomatike. Një ditë më parë gjeneralë të SHBA u mblodhën në Washington, ku bënë një parashikim tepër të errët.
Pothuajse të gjithë ishin në një mendje për afrimin e një lufte të tretë botërore, por njëri nga gjeneralët tha, se një konflikt global në të ardhmen e afërt do të jetë tejet vdekjeprurës, i shkurtër dhe Shtetet e Bashkuara të vetme nuk do të kenë në dorë mbylljen e tij.
Ushtria siriane ka forcuar kontrollin e saj brenda Aleppo-s, qytetit që mbahet peng nga rebelët, ndërkohë që këta të fundit e kanë konsideruar kurth një ofertë amnistie nga Damasku zyrtar, oferta e cila ju jepte mundësinë rebelëve të largoheshin bashkë me familjet e tyre nëse dorëzonin armët.
Më herët Kombet e Bashkuara kanë paralajmëruar katastrofën në Siri. I dërguari special i OKB në Siri, tha se Aleppo lindore përballet me shkatërrimin e plotë që rezulton në vdekjen e mijërave civilëve.
Rusia paralajmëron SHBA-në: Do të përgjigjemi me raketa nëse sulmoni Assad
