Në emisionin “Çim Peka LIVE” në SYRI TV është publikuar një tjetër audiopërgjim mes Roni Yeffet dhe tre shtetasve të huaj, një ukrainas, një rus dhe Tatianës, e cila ka shërbyer si përkthyese gjatë bisedave.
Në audiopërgjimin e publikuar mbrëmjen e sotme, Yeffet diskuton për puset e gazit në Vlorë dhe kërkon që marrëveshja të përfundojë sa më shpejt.
Në fillim të bisedës, Yeffet i kërkon Tatianës të mos dërgojë asnjë letër zyrtare në Ministrinë e Energjetikës, duke thënë se me ministrinë do të merret vetë ai.
Audiopërgjimi është pjesë e një dosjeje prej më shumë se tre orësh, të realizuar në janar të vitit 2026, ku sipas SYRI TV, Yeffet diskuton me bashkëbiseduesit për mënyrën e shfrytëzimit të pasurive të Shqipërisë.
Audiopërgjimi i zbardhur:
Tatiana: Do të përgatisim një letër zyrtare për ministrinë e Energjetikës që të marrim informacione për gazin në Vlorë. Një letër zyrtare.
Roni Yeffet: Përse, përse? Jo jo, asnjë letër zyrtare, jo, jo. Shkoni shikoni, shkoni në Vlorë, shikoni çfarë të doni. Më pas do të merrem unë me ta. Nuk do të dërgoni asnjë letër, nuk do të dërgoni asgjë. Informacioni është për ne, jo për Ministrinë.
Tatiana: Dakord, çështja është, ajo që na tha ajo është thelbësore. Të bazohemi vetëm në një vizitë në vend do të ishte e pamjaftueshme. Një inspektim fizik, kompania nuk do të kuptonte asgjë.
Roni Yeffet: Mbështetuni te unë për Ministrinë e Energjetikës. Do të shkojmë në Ministrinë e Energjetikës, do të flasim me ta për çdo gjë. Por mos përdorni emrin tim.
Tatiana: Dakord.
Roni Yeffet: Në Vlorë, dakord. Do të kontrolloni, ju përfaqësoni një kompani amerikane.
Tatiana: Dakord.
Roni Yeffet: Do të kontrolloni, do të kontrolloni, do të pyesni për gjithçka dhe ata do të bashkëpunojnë. I thuaj asaj që të vijë të hënën, të qëndrojë këtu, do të shkoni në Ministrinë e Energjetikës 1, 2, 3 herë.
Tatiana: Mendoj që ajo do të vijë të mërkurën.
Roni Yeffet: Nëse ajo vjen të hënën dhe qëndron, sepse nuk do të jetë të mërkurën dhe të premten askush nuk punon këtu. Nuk është eficente, të jemi më eficent.
Tatiana: Dakord, dakord.
Roni Yeffet: Nëse ajo vjen të mërkurën, ata vijnë të premten, asgjë nuk ndodh. Dhe ajo duhet të qëndrojë këtu deri sa të përfundojmë. Unë dua të përfundojmë. Ju duhet të kuptoni, kam nevojë të fillojë, ne duhet të mbyllim marrëveshje.
Tatiana: Ajo vjen nga Johanesburgu, të hënën do të jetë këtu. Nga e marta në mëngjes…
Roni Yeffet: Por ajo nuk duhet të largohet deri në fundjavë.
Tatiana: Dakord.
