Deputeti i PD-së, Eduard Halimi kërkoi sot në emër të opozitës referendum për importin e mbetjeve gjatë seancës parlamentare ndërsa solli si shembull për të bindur kolegët e tij shëndetin e vet.
“Shume prej jush ketu mendojne se ndoshta helmi i mbetjeve nuk troket ne deren tuaj, dhe se fati ndoshta nuk do e beje qe te trokase. E sinqerisht nuk ia uroj askujt. Por kjo…nuk eshte e vertete. Une jam shembulli…, por ne nuk duhet te presim qe te trokase tek vetja qe pastaj te mendojme per qytetaret. Jo absolutisht. Nje fjale e lashte latine, thote: o njeri me mend, provoje ne trupin tend, nese ty te dhemb, edhe tjetrit I dhemb”, tha Halimi në një fjalim të rrallë.
“PD ka depozituar javen e kaluar kerkesen per miratimin me ligj te parlamentit te zhvillimit te nje referendumi popullor, nese Shqiperia duhet te importoje apo jo plehra, mbetje. Populli duhet te vendose me po ose jo. Opozita kerkon qe per kete ceshtje madhore, te vendose sovrani ne menyre te drejteperdrejte. Qe demokracia te jepet drejperdrejt, nga ata qe na kane sjelle ketu, votuesit tane dhe jo. Sepse ceshtja eshte e nje rendesie te vecante jetike, per te ardhmen e vendit, per te ardhmen e femijeve dhe brezave. Per importimin ose jo duhet te vendosin ata qe na kane sjelle ne kete ngrehine, dhe jo ne qe jemi ketu”, tha deputeti demokrat.
Ai kërkoi edhe nga deputetët e shumicës se duhet të mendohen dy herë para se të votojnë, jo si deputetë, por edhe si prindër edhe si bijë. “I prete ne bese, ia anulluat referendumin, vendimin perfundimtar dhe te prere te sovranit. Ia punuat pas shpine, I futet thiken ne shpine demokracise direkte. E bejme ne tha Rama, nuk I tradhetojme qytetaret. Referendumi u anullua. Nuk u be ne dhjetor, nuk ia hoqen doren shtetareve per te firmosur per importim plehrash”, tha Halimi.
