Vizita e kryeministrit Edi Rama në Korçë, ku inspektoi edhe punimet e rrugës Qaf-Plloçe-Qukes, nuk ka kaluar pa foto pikante, e cila është siguruar nga ish kryeministri Sali Berisha. Në foto shihet Rama i cili ka mbulluar fytyrën e tij me duar, kështu Berisha e akuzon Ramën se ka shpërdoruar fondet e Bankës Islamike që ishin akorduar për këtë rrugë ndaj edhe sipas tij fsheh fytyrën.
Sipas Berishës, kjo rrugë duhet të kishte përfunduar që vitin e kaluar, por që kryeministri aktual ka vjedhur fondet dhe ka shtuar kilometra të tjera rrugë për t’u asfaltuar nga projekti fillestar.
Ja çfarë shkruan Berisha:
Te dashur miq, Edi Rama vizitoi punimet e rruges Qaf-Plloçe-Qukes, te cilat filluan ne vitin 2012 me financim te garantuar nga Banka Islamike dhe natyrisht projekt dhe prokurim te miratuar prej saj. Rruga shkurtonte me 24 km distancën Korçe -Tirane dhe punimet duhet te perfundonin ne shtator te vitit 2015 por qe nuk perfundojne as ne vitin 2017.Shkaku kryesor eshte vjedhja e fondeve nga Rama ne bashkepunim. Sapo erdhen ne pushtet Rama anulloi menjehere punimet, kerkoi nga Banka Islamike qe fondin e destinuar per rrugen ta perdorte per qellime te tjera por Banka refuzoi ne menyre kategorike. Ai, pas kesaj, per ti hapur rrugen vjedhjes dhe abuzimit porositi ndryshimin e trajektores se rruges duke e zgjatur me 24 km dhe rritur koston nga 80 ne 140 milion dollar natyrisht per te mbushur qeset e tij.
Pervec demit qe ju be qytetareve me kete vjedhje te madhe duke dyfishuar çmimin, zgjatja e distances me 24 km e ben zero vleren e rruges per Korçen pasi rruga ekzistuese buze Liqenit te Ohrit eshte shume me terheqese dhe tani e njejte ne gjatesi.Rama, per te justifikuar vjedhjen me kompanine ndertuese paftyresisht ju tha qytetareve se nje segment i rruges eshte prokuruar pa asfaltimin, gje qe nuk ndodhe kurre ne nje prokurim nderkombetar, duke deshmuar keshtu se ata kane futur duart dhe vjedhur fondin e asfaltimit te rruges.Prandaj ai sot mbuloi fytyren per te maskuar vjedhjen e tij te radhes!
