okaina e sekuestruar
Policia e Tiranës ka dhënë zyrtarisht, detaje për operacionin e sotëm, të arrestimit të tre personave me rreth 700 gramë kokainë, te rruga “5 Maji” pranë “Tregut të Medresesë”.
Sipas Policisë, mësohet se sot, Specialistët e Seksionit për Hetimin e Narkotikëve në bashkëpunim me Forcën e Posaçme Operacionale në Drejtorinë Vendore të Policisë Tiranë si dhe Skuadrën Shqiponjat, kanë bërë të mundur finalizimin e operacionit antidrogë “Telefonata e fundit”, ku është bërë e mundur kapja në flagrancë e …
1. Sokol Geci, 22 vjeç, banues në Tiranë.
2. Eraldo Dodaj, 19 vjeç, banues në Mirditë
3. Pashk Teska, 20 vjeç, banues në Laç
Arrestimi i këtyre personave është bërë pas informacioneve që disponoheshin nga Specialistët e Narkotikëve dhe mbajtjes nën vëzhgim prej disa ditësh të aktivitetit të tyre, ku sot më datë 04. 10. 2016, në rrugën “5 Maj”, personat e lartpërmendur po udhëtonin në mjetin tip “Ford”, që drejtohej nga shtetasi Erald Dodaj.
Në momentin e ndalimit nga policia, Sokol Geci, ka nxjerrë një armë zjarri dhe për pasojë shërbimet policore janë detyruar të bëjnë qitje në ajër për neutralizimin e më pas prangosjen e këtij shtetasi dhe të dy të tjerëve.
Gjatë kontrollit të ushtruar në automjet, në pjesën e pasagjerit, brenda kasave mbuluese të boksit të marshit në kabinën e mjetit është gjendur një qese, ku në brendësi të saj kishte lëndë të dyshuar narkotike “kokainë”, me peshë 659 gramë.
Materialet iu referuan Prokurorisë pranë Gjykatës së Shkallës së Parë Tiranë, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e armëve luftarake dhe e municionit”, parashikuar nga Nenet 283 dhe 278 të Kodit Penal.
Në cilësinë e provës materiale janë sekuestruar
Pistoleta e sekuestruar
– 659 gramë lëndë e dyshuar narkotike e llojit kokainë.
– 50 gramë lëndë e dyshuar narkotike e llojt cannabis sattiva (e gjetur në banesën e shtetasit Sokol Geçi)
– 1 armë zjarri, model 54, i tip pistoletë TT
– 1 automjet tip “Ford”
– 4 aparate telefonik të llojeve të ndryshme
