Foto Ilustruese
Pas operacionit të sotëm të policisë, te rruga “5 Maji”, pranë “Tregu Medresesë” në Tiranë, detaje të reja dalin nga kjo ngjarje.
Mësohet se disa të shtëna armësh janë dëgjuar, pak para prangosjes së tre trafikantëve, ndërsa dyshohet se ka pasur shkëmbim zjarri me policinë.
Ndërkohë, mësohet se polica ka sekuestruar edhe një armë zjarri, tip pistoletë që e kishin tre të arrestuarit si dhe automjeti me të cilin ata lëviznin, ku edhe u gjet droga.
Lidhur me sasinë e kokainës së bllokuar, mësohet se janë sekuestruar rreth 700 gramë nga kjo drogë e fortë.
Hetimet vazhdojnë për aktivitetin dhe lidhjet e mundshme të tre të arrestuarve.
