I ftuar në emisionin ‘Studio e Hapur’ në “News24”, Berisha e ka cilësuar njoftimin e ambasadës së SHBA-ve për protestën e dy ditëve më parë, të cilën “ia faturoi” PD-së, shumë të rëndë dhe se ka bere rolin e Guvernatorit, ndërsa sipas tij i ngjante një deklarate të bërë nga zyra e PS, dhe e shkruar nga vet sekretari i Përgjithshëm i selisë rozë, Gramoz Ruçi.
“Që të lejoj një ambasadë të bëhet interpret i Edi Ramës është gjë shumë e hidhur. Ndodh rëndon në partitë politike te mbështesin kauza të shoqërisë civile. Por ajo që nuk duhet të ndodh është që partitë politike të marrin kauzat e tyre”, tha Berisha.
Ndërkohë, duke ju rikthyer disa qëndrimeve të ambasadorit amerikan, Berisha u shpreh se “ai është bërë palë me Edi Ramen”.
Sipas Berishës, këtë e pohon edhe vetë Edi Rama, kur në fjalimet e tij përmend “Ambasadori ka thënë kështu e ambasadori ka thënë ashtu. Ambasadori amerikan, mund ti kërkojë që të mos flasë në emër të tij. Ambasadori nuk ka folur asnjëherë për ndonjë aferë korruptive”, shtoi Berisha.
Berisha: Ambasadori amerikan është bërë palë me Edi Ramën
