Qëndrimet krejt të ndryshme, këtë radhë edhe për legalizimin e prostitucionit përplasin sërish në distancë, Kristi Pinderin, përfaqësues i komunitetit LGBT dhe deputeten e PDIUsë, Mesila Doda, e njohur për vendosmërinë e saj në mbrojtje të familjes e kundër martesave gay. Së fundi edhe kundër legalizimit të prostitucionit.
Kristi Pinderi ka ofenduar rëndë sot deputetet Mesila Doda, duke e quajtur atë një “Prostitutë politike” (Statusi i Pinderit). Një ofendim ky që tejkalon kodin etik dhe të mirësjelljes, e gjitha kjo vetëm për faktin se Mesila kundërshton propozimin për legalizimin e prostitucionit në Shqipëri.
Reagimi i deputetes Mesila Doda për aktivistin e LGBT-së:
“Po shoh fyerje të rënda që Kristi Pinderi ka lëshuar në adresë time, sepse kam dalë kundër propozimit të legalizimit të prostitucionit…Ç’a të them o legen i vogël…?
Të ta kthej nga mamaja, nuk e ke dhe nuk dua të ngas ata që s’janë më, të shaj nga gruaja, nga e dashura as atë s’e ke… Ti je thjesht i mjerë, sepse nuk ke e s’ke për të patur kurrë dashurinë e një gruaje afër vetes… Je një mjeran i vockël. Ty s’të them dot as ta mendosh si në shtëpine tënde (se të vjen një ditë fëmija e të thotë kam zgjedhur këtë profesionin e prostitutës meqë e futët brenda ligjit), se as këtë s’ke për ta patur dot.
Sa për zgjedhjet e mia politike i kam bërë me ballin lart dhe duke shkuar kundër çdo korrenti të forcës, o legen. Nuk kam përfituar kurrë as një gjysmë leku pa djersë e pa respektuar ligjin, në ndryshim me ty që majmesh me fonde të BE-së e fonde qeverie për diskriminim qe nuk e ke patur kurrë. Ku janë fondet e strehës që more? Sa vetë strehuat që i përzuri familja? Me këto dhe të tjera do merrem shumë, po shumë seriozisht.
Tash edhe një fjalë për këto shoqatat e grave që preken dhe reagojnë, kur bëhet fjala për zonjat në politikë. Unë ja dal 100 herë, 1000 herë vetëm, po na e kurseni hipokrizinë kinse po mbroni të drejtat e grave e po ndihmoni praninë e tyre në politikë. Ky është reagim histerik dhe fyerje e një gruaje, e një nëne, vetëm se po guxon dhe një herë të shkojë kundër rrymës”.
