Gazetari Artan Hoxha në rubrikën “Opinion” në Neës24 ka deklaruar se një deputet i komisionit parlamentar të sigurisë ka zhvilluar dje një takim në burgun 302, ku ndodhet edhe Dritan Dajti, i akuzuar si kapobandë dhe autor i një masakre të pesëfish më 7 gusht të vitit 2009 në qytetin e Durrësit, 4 prej viktimave policë. Po në të njëjtin burg ndodhet edhe Kastriot Ismailaj. Deputeti në fjalë ka deklaruar se do të takonte ish-zëvendësdrejtorin e Burgjeve, Iljaz Labin, i cili u arrestua për korrupsion.
Sipas Hoxhës, takimi është zhvilluar dje rreth orës 15.30.
“Një grup kriminal që është nën hetim kanë kërcënuar me mesazhe ose duke e kontaktuar me telefon apo njerëz të tjerë, tk miqtë e kryeprokurorit duke i thënë se çështja që po heton po kthehet në personale dhe mund të hakmerren ndaj familjes së tij.
Bëhet fjalë për grupin për çështjen Shullazi, ku sa herë ka shkuar për masë sigurie ka ndërhyrë dhe ambasada e SHBA.
Para një jave kisha në informacion që më ka ardhur një mesazh në Facebook, nga sistemi i sigurisë së një burgu në kryeqytet. Më thonë se një politikan i rëndësishëm të hyjë në burg dhe të mos filmohet nga kamerat.
Më është thënë që një deputet i rëndësishëm i Komisionit të Sigurisë të hyjë në burg edhe ligji ua lejon dhe burgu nuk u kërkon dot informacion pse po e takon.
Ajo që nuk është normale është që na është kërkuar të mos regjistrohet me kamera. Ka pasur një rezistencë nga policët e turnit. Disa nga policët që nuk kanë pranuar janë transferuar. Takimi është bërë dje rreth orës 15:30 minuta në burgun 302, ku ka shumë të burgosur të rëndësishëm.
Nga informacioni im deputeti që ka hyrë në burg, ka kontaktuar me dy të dënuar të tjerë. E këtë e kam nga njerëzit që kanë qenë aty. Takimi është bërë me dy persona, njëri prej tyre një politika dhe tjetri me Dritan Dajtin”, u shpreh gazetari Artan Hoxha.
Deputeti ka tentuar edhe një javë më parë të zhvillojë këtë takim, por kishte kërkuar të mos regjistrohej vizita e tij, si dhe të mbylleshin edhe kamerat e sigurisë.
Nuk dihet, bënë të ditur Hoxha, në se kanë funksionuar kamerat e sigurisë, dje, gjatë vizitës dhe takimit të deputetit në Burgun 302 të Tiranës.
Ja kush janë deputetët e Komisionit Parlamentar të Sigurisë
Spartak Braho – kryetar,
Flamur Noka – zëvendëskryetar,
Piro Lutaj – sekretar,
Pjerin Ndreu – anëtar,
Arben Çuko – anëtar,
Anduel Xhindi – anëtar,
Shkëlqim Troplini – anëtar,
Alban Zeneli – anëtar,
Asllan Dogjani – anëtar,
Paulin Sterkaj – anëtar,
Ylli Shehu – anëtar,
Armando Prenga – anëtar,
Shkëlqim Selami – anëtar,
Luan Rama – anëtar,
Xhemal Qefalia – anëtar,
Astrit Patozi – anëtar,
Keltis Kruja – anëtar,
Aqif Rakipi – anëtar.
