“Jam i ISIS”, do ju vras të gjithëve”, kanë qenë këto deklaratat e një shqiptari 21-vjeçar të arrestuar në Itali pak ditë më parë. Policia e Riminit ka arrestuar 21-vjeçararin shqiptar rezident në këtë provincë, me akuzën e propagandës së ISIS-it e rezistencë ndaj forcave të rendit.
21-vjeçari shqiptar është ndaluar në banesën e një miku të tij, i cili ishte në kushtet e një arresti shtëpiak.
Kërkesës së forcave italiane të rendit për t’i kontrolluar dokumentet, 21-vjeçari shqiptari është përgjigjur duke shtrënguar në duar një medaljon të shkruar në gjuhën arabe e me thirrje që himnizonin propagandën e ISIS, raporton Balkan Web.
Më pas i riu shqiptar duke përdorur një çelës anglez i është kundërvënë policëve italianë, duke plagosur lehtë njërin prej tyre. 21-vjeçari, identiteti i të cilit nuk bëhet i ditur, do të qëndrojë në burg, deri në pritje të procesit gjyqësor, i cili do të zhvillohet më datë 28 shtator 2016.
