Thirrja e ministres së Arsimit, Lindita Nikolla në komisionin e Medias për të raportuar rreth situatës së pranimeve në Universitete ka përçarë sot mazhorancën PS-LSI.
Kjo ishte një kërkesë e deputetit të PDsë, Luçiano Boçi, që kërkoi thirrjen e ministres. “Propozoj qe ministrja e Arsimit të thërritet në komisionin e Medias të raportoje lidhur me situatën emergjente dhe problematikën e maturanteve” tha ai.
Menjëhër pas tij, reagoi deputeti i PS, Alfred Peza. “Propozoj që thërritja e ministres të bëhet kur të përfundojë procesi i pranimeve në universitete” tha ai.
Me hedhjen në votim të kërkesës, maxhoranca nuk rrëzoi dot kërkesën e PD, pasi deputetja e LSI abstenoi. Palët dolën me vota të barabarta. Duke qenë se dolën barazim, hera e parë që ndodhte një gjë e tillë në komision, me qëndrimin e LSI, propozimi u quajt automatikisht i rrëzuar.
