Policia e Tiranës ka vënë në pranga një 33-vjeçar i dënuar me 18 vjet burg. Specialistët e Komisariatit të Policisë Nr 2, kanë bërë të mundur kapjen e shtetasit në kërkim Vladimir Baku, 33 vjeç, banues në Elbasan, i dënuar për vrasje.
“Për këtë shtetas, Prokuroria Elbasan ka filluar procedimin penal të datës 11.07.06 si i dyshuari kryesor ne vrasjen e shtetasit Florenc Zhguni, ndodhur më datë 19.06.2006 në Selanik, Greqi. Prokuroria Elbasan me vendimin penal të datës 14.04.09 të Gjykatës së Rrethit Elbasan, ku e ka dënuar me 18 vjet burg per Veprën Penale “Vrasje me dashje” parashikuar nga Neni 76 i Kodit Penal”, thuhet ne njoftimin e policise. Shtetasi Vladimir Baku i’u dorëzua punonjësve të Drejtorisë Vendore të Policisë Elbasan, për veprime të mëtejshme.
