Tiranë, “luftë” me armë zjarri pranë një lokali, shoqërohen dy persona në polici

Të shtëna me armë zjarri janë dëgjuar orët e para të mëngjesit të sotëm në periferi të kryeqytetit.
Burime të policisë thonë se ngjarja ndodhi rreth orës 04:20, në Sauk, pranë një lokali. Në vendin e ngjarjes shkuan efektivët e Komisariatit të Policisë Nr. 1, ku gjetën 4 gëzhoja pistolete.
Policia sqaron se për verifikim u shoqëruan dy persona me iniciale, P. G. dhe E. D., të cilët udhëtonin me mjetin tip “Mercedes Benz”, pasi dyshohen se kanë qenë pjesëmarrës në këtë ngjarje.
Nga verifikimet e kryera, fatmirësisht nuk ka të dhëna për të plagosur.
Ndërkohë, grupi hetimor po punon për identifikimin e kapjen e autorëve dhe sqarimin e plotë të rrethanave të ngjarjes.