Policia e Shkodrës ka prangosur pesë persona të cilët kishin kërcënuar me armë në shtetase gjermane.
Sipas burimeve të policisë vendore mësohet se në datë 23. 09. 2016 shtetësja gjermane A. T., 23 vjeçe ka bërë kallëzim në Komisariatin e Policisë Shkodër, se në këtë qytet është kanosur me armë zjarri nga 5 shtetas që lëviznin me një automjet.
Menjëherë është ngritur grupi hetimor dhe falë veprimeve të shpejta hetimore dhe operative u identifikua mjeti me 5 personat e dyshuar të cilët u arrestuan në flagrancë.
Këta persona dyshohet se nën efektin e alkoolit, në bashkëpunim me njëri – tjetrin kanë kanosur me armë zjarri shtetasen A. T.
Ersid Hasaj akuzohet për veprën penale “Kanosje” dhe “Armëmbajtje pa leje ” parashikuar nga nenet 84 dhe 278 të Kodit Penal.
Ndërsa për veprat penale “Kanosja” dhe “Moskallëzim krimi” parashikuar nga nenet 84 dhe 300 të Kodit Penal, akuzohen shtetasit e tjerë Shpëtim Buraniqi, Bashkim Buraniqi, Armen Lisaj dhe Shuajp Molla.
Materialet proceduriale iu referuan Prokurorisë së Rrethit Gjyqësor Shkodër për veprime të mëtejshme.
Të arrestuarit
– Ersid Hasaj, 25 vjeç
– Shpëtim Buraniqi, 22 vjeç
– Bashkim Buraniqi, 24 vjeç
– Armen Lisaj, 25 vjeç
– Shuajp Molla, 58 vjeç, banues në Dobraç/Shkodër
